Бүгін облыстық ауруханада дезинфекциялық аппарат іске қосылды. Естеріңізге сала кетейік, оны емдеу мекемесіне опера әншісі, Қазақстан Республикасының еңбек сіңірген мәдениет қайраткері Төкен Ілияс сыйлады. Ілияс құны 2 млн.нан асып жығылатын құрылғыны Қытайдан өз қаражатына алдырған.

Температураны өлшеуге және дезинфекциялауға арналған жылжымалы құрылғы көпбейінді облыстық ауруханасы емханасының кіреберісінде тұр.

Ақылды туннель дене температурасын бір секундта анықтайды. Құрылғыда бетті танудың динамикалық камерасы, Интернет арқылы басқарылатын бұлтты деректерді сақтау және спреймен автоматты түрде залалсыздандыру бар.