Өтемсіз жоғалту:
2024 жылғы 5 қарашада Ақмола облысының құрметті денсаулық сақтау ардагері, Көкшетау қаласының Құрметті азаматы – Жанадилов Болат Сүлейменұлы өмірден өтті.
Болат Сүлейменұлы 84 жасында ұзаққа созылған аурудан кейін өмірден озды.
Жанадилов Болат Сүлейменұлы 1940 жылғы 14 маусымда қазіргі Көкшетау облысы, Айыртау ауданы, Сырымбет ауылында дүниеге келген. 1965 жылы Қарағанды медициналық институтының емдеу факультетін бітіргеннен кейін еңбек жолын анестезиолог дәрігер болып бастаған, 1968 жылы Көкшетау облыстық ауруханасының анестезиология бөлімшесінің меңгерушісі қызметіне тағайындалған. Кәсіби әлеуеті жоғары маман ретінде 1970 жылы Көкшетау облыстық ауруханасының бас дәрігерінің емдік жұмыстар жөніндегі орынбасары болып тағайындалған, ал 1973 жылдан 1992 жылға дейін Көкшетау облыстық ауруханасының бас дәрігері қызметін атқарған.
Осы кезеңде аурухананың материалдық-техникалық базасы айтарлықтай нығайып, 1975 жылы терапиялық корпус пен асхана іске қосылды, 1985 жылы хирургиялық корпус, патологоанатомиялық бөлімшенің қосымшалары және гараж салынды. Жаңа медициналық жабдықтар алынған, диагностикалық және емдік жаңа технологиялар енгізілген. Дәрігерлердің кәсіби біліктілігін арттыруға ерекше көңіл бөлінген.
Ақмола облысының денсаулық сақтау саласының құрметті ардагері Болат Сүлейменұлы өзінің жарқын, қайырымды істерге толы өмірінің 50 жылдан астам уақытын адамдар үшін ең бейбіт әрі маңызды кәсіби салаға арнады. Оның жылы жүрегі мен қамқор қолдарын көптеген пациенттер сезді. Ол тек Ақмола өңірінің ғана емес, бүкіл елдің денсаулық сақтау саласының дамуына елеулі үлес қосқан.
«Көпбейінді облыстық аурухана» КМК ұжымы аталған ауыр жоғалтуға байланысты қайғырып, Болат Сүлейменұлының әріптестері мен туыстарына шынайы көңіл айтады.
16 қазан күні Көкшетауда облыстың бас онкологы, жоғары санатты дәрігер, бірнеше рет облыстық және қалалық Халық депутаттары кеңесінің депутаты болған, Көкшетау қаласының Құрметті азаматы Өмірбек Кәкімұлы Байкеновтің 90 жылдығына арналған «Ауыл тұрғындарына онкологиялық көмекті дамыту мәселелері және перспективалары» атты ғылыми-практикалық конференция өз жұмысын бастады. Өмірбек Байкенов 1961 жылдан 2002 жылға дейін Ақмола онкологиялық диспансерін басқарып, денсаулық сақтау саласының дамуына айтарлықтай үлес қосқан тұлға.
Конференцияның алғашқы күні ерекше оқиғамен есте қалды – Өмірбек Кәкімұлының құрметіне өзі негізін қалаған онкологиялық диспансер ғимаратында мемориалды тақтаның ашылу салтанаты өтті. Бұл іс-шараға қатысушылар даңқты дәрігердің еңбегін ұлықтап, оның адам өмірін арашалауға арнаған қызметін айрықша еске алды. Жиналғандар Байкеновтің медицинаға сіңірген еңбегін, өңірге қосқан үлесін және кәсіби өміріндегі жарқын сәттерді еске түсіріп, оның жоғары адамгершілік қасиеттері мен қызметіне деген құрметтерін де білдірді.
Бұл конференция – Өмірбек Байкеновтің өмірі мен мұрасын еске алу ғана емес, сонымен қатар өңірдегі онкологиялық көмекті одан әрі дамыту мен жетілдіру жолында маңызды қадам болды.
Бүгін Ақмола облысының бас онкологы,жоғары санатты медицина қызметкері және Қазақстанның еңбек сіңірген дәрігері Өмірбек Кәкімұлы Байкеновтің 90 жылдығына арналған «Ауыл тұрғындарына онкологиялық көмекті дамыту мәселелері және перспективалары» атты ғылыми-практикалық конференция өтті. Өмірбек Байкенов 1961-2002 жылдар аралығында диспансерді басқарып, өңірдің денсаулық сақтау саласының дамуына зор үлес қосқан.
Конференция барысында «Астана» медицина университетінің онкология кафедрасының меңгерушісі, медицина ғылымдарының докторы, профессор Абай Макишев ақмолалық дәрігерлермен тәжірибе алмасып, бірқатар күрделі ота жасады. Оның шеберлігін Көкшетау қаласының тұрғыны Қайыржан Тәжібаев та ерекше атап өтті. Ол мамыр айында өткен «Жедел абдоминальді хирургияның мәселелері» атты ғылыми конференция аясындағы шеберлік сағатында Абай Макишевтің жасаған отасы үшін алғысын білдіріп, өз өмірін сақтап қалған облыстық аурухананың дәрігерлеріне де ризашылығын жеткізді.
Бұл конференция – онкологиялық көмектің сапасын арттыру жолында маңызды қадам, тәжірибе алмасу және жаңа әдістерді меңгеру алаңы болады деп сенеміз.
2024 жылдың 16 қазаны күні Көкшетауда «Ауыл тұрғындарына онкологиялық көмек көрсетудің өзекті мәселелері мен даму перспективалары» атты ғылыми-тәжірибелік конференцияның бірінші күні өтті. Іс-шара Қазақ КСР-інің еңбек сіңірген дәрігері, 1961–2002 жылдар аралығында Ақмола онкологиялық диспансерін басқарған Байкенов Умурбек Какимұлының 90 жылдық мерейтойына арналды. Шараның ұйымдастырушысы – Көпсалалы облыстық аурухананың Онкоорталығы.
Конференция аясында жоғары санатты уролог-дәрігер Хусан Умурзаков аурухана қабырғасында жоғары технологиялық операция жасап, онкоорталықтың әріптестерімен тәжірибесімен бөлісті. Өзі сөйлеген сөзінде ол ақмолалық дәрігерлердің жоғары біліктілігін атап өтіп, өңір мамандары кез келген күрделі операцияларды орындай алатынын және сол арқылы көптеген пациенттердің өмірін сақтап қалатынын ерекше атап өтті.
Көпсалалы облыстық аурухана базасында Еуразиялық Онкологтар Ассоциациясының тең төрағасы және Халықаралық Жоғары Оқыту Институтының онкология кафедрасының меңгерушісі, профессор Нұрлан Тұрсынұлы Болтабеков үш күндік семинар-дәріс өткізуде. Дәріс көпсалалы облыстық аурухана базасында ұйымдастырылған.
«Өкпе рагы, асқазан-ішек жолы ісіктері, бауыр және ұйқы безі қатерлі ісіктерін қоса алғанда, бастапқы медициналық-санитарлық көмек деңгейінде қатерлі жаңа түзілімдерді ерте диагностикалау алгоритмі» тақырыбындағы семинар 3–5 маусым аралығында өтуде. Семинарға БМСК-ның бас дәрігерлерінің орынбасарлары, онколог дәрігерлер, сондай-ақ пациенттің маршруты мен онкомаркерлерді бақылауға жауапты мамандар қатысуда.
Қазақстан Республикасының Ұлттық ғылым академиясының академигі, ҚР Мемлекеттік сыйлығының лауреаты, «Еңбек Ері» атағының иегері, «Ұлттық нейрохирургия орталығы» АҚ Басқарма төрағасы, еліміздің бас нейрохирургі Серік Ақшұлақов, Қазақстанның еңбек сіңірген қайраткері, Халықаралық гепатолог-хирургтер қауымдастығының мүшесі Серік Тоқпанов, клиникалық және іргелі медицина академиясының академигі, «Астана» медицина университетінің онкология кафедрасының меңгерушісі Абай Мәкешев, жоғары санатты хирург, Сызғанов атындағы хирургия ұлттық орталығы бөлімінің меңгерушісі Мақсат Досханов ақмолалық әріптестеріне көп жылдық тәжірибесін жеке көрсетті. Өңір басшысы барлық мамандарды өзі шақырғанын және мұндай іс-шаралардың аймақ үшін маңызы зор екенін атап өтті. Ақмола облыстық көпсалалы ауруханасының бас дәрігері Нұрлан Жаров облыс басшылығына ауқымды семинар ұйымдастырғаны үшін алғысын білдірді.
– Бүгін өңірімізде маңызды оқиға өтіп жатыр, бұл біздің жергілікті мамандар үшін үлкен мотивация және баға жетпес білім. Өйткені тәжірибе алмасу – жас дәрігерлер үшін өте қажет. Астана қаласынан келген әріптестермен көптеген өзекті аймақтық мәселелер талқыланды, тәжірибемен қатар абдоминалды хирургияның өзекті мәселелері бойынша ғылыми конференция өткізу жоспарлануда. Конференция аудандық дәрігерлер тарапынан үлкен қызығушылық тудыруда, себебі ауылдық денсаулық сақтау саласында шешуді қажет ететін көптеген мәселелер бар. Аурухананың материалдық-техникалық базасы қанағаттанарлық, мемлекет көмегімен жаңартылып отырады. Жақында ғана жоғары технологиялы және күрделі операцияларға арналған ангиографиялық жабдық енгізіліп, біздің ауруханада сәтті қолданылып келеді. Бұл семинар біз үшін өте маңызды, мен әріптестерім оның нәтижесінде өз кәсіби деңгейін көтеретініне сенімдімін, – деді Нұрлан Жаров.
Мастер-класста лапароскопиялық жолмен лоханка-несепағар сегментіне пластика жасалды, бүйрек тастарын ультрадыбыстық түрде уату заманауи OLIMPUS видеоэндоскопиялық құрылғысында жүргізілді. Төрт пациентке операция жасалды: үшеуі – Ақмола облысының, біреуі – Солтүстік Қазақстан облысының тұрғыны. «Пациенттердің жағдайы тұрақты, өздерін жақсы сезінуде, операция сәтті өтті, техникалық жағынан ешқандай қиындықтар мен асқынулар болған жоқ», – деп атап өтті ҚР Президенті Іс басқармасы Медициналық орталығы Ауруханасының жоғары санатты уролог дәрігері Қасымов Бахтияр Ғалымұлы.
Мастер-класстар өткізу хирургтердің кәсіби шеберлігін арттырады. Нәтижесінде халыққа көрсетілетін медициналық қызметтердің сапасы жақсарып, жоғары технологиялық операциялардың ауқымы кеңейеді.
Өңір басшысы онкологиялық диспансердің стационарында жөндеу жұмыстарының барысын тексерді.
Көпсалалы облыстық аурухананың бас дәрігері Нұрлан Жаровтың айтуынша, жөндеу жұмыстарын жүргізу кезеңінде онкологиялық диспансер штаттық режимде жұмыс істейді, емдеуге қажетті барлық техника жұмысқа тартылған. Бүгінгі таңда екінші, үшінші және төртінші қабаттарда бөлшектеу жұмыстары жүргізілді, есік блоктары, сантехника және қабырғаларды қаптау ауыстырылды.
"Өкінішке орай, жыл сайын онкологиялық науқастардың саны артып келеді. Алайда, заманауи әдістер мен сапалы жабдықталған кабинеттер қатерлі ісік ауруын ерте сатысында анықтауға мүмкіндік береді, жақсартылған жағдайда пациенттерімізге аурумен күресуге көмектесетін мүмкіндіктер көп болады", – деді Н. Жаров.
Толық ақпарат➡️gov.kz/memleket/entities/aqmola/press/news/details/658219?lang=kk
15 қыркүйектен бастап медициналық-санитариялық алғашқы көмек (МСАК) көрсету ұйымдарына тіркелу науқаны басталды. Емхана таңдауда басты ескеретін жайт – ол үйден немесе жұмыстан 15-20 минут уақытта жаяу жететін жерде орналасқаны жөн. Бұл дәрігер көмегі қажет болған жағдайда оның жедел жетуіне, сондай-ақ, отбасы мүшелерінің бәрінің бір дәрігерге қаралуына мүмкіндік береді.
Халық арасында ақпараттық жұмысты арттыруға бағытталған меланома және тері қатерлі ісігі туралы хабардар болу апталығы аясында 2023 жылғы 27 мамырда онкологиялық емханада Ашық есік күні өткізіледі.
Күні – 2023 жылғы 27 мамыр
Уақыты – сағ. 09.00 - 13.00 дейін.
- Онкохирург дәрігердің консультациясы
- Тері дерматоскопиясын жүргізу
Мекенжайы: Көкшетау қ., Ақан Сері көш., 1в, онкологиялық емхана
(жеке куәлігіңіз болуы тиіс)
Байланыс телефоны: 33-04-94
